آلقيش

قارانقوشلاري

سورگونلره سالديرديق

يارپاقلاري يانديرديق

اللريميزي گويلرده قالديرديق!

هله پاييزدان قالميش

گويلردن قار ياغديرديق

داها دئميرم

اينك لري اوزگه لره ساغديرديق

اكين يئرلرينده

سويوق قبيرلر قازديرديق

اينانديق، اينانمايانلاري قانديرديق!

كيمسه يه قولاق وئرمه دن

قويروغو كسيلميش

قارا آتلاريميزي

چاپديرديق

سئوينديك سويوق اللري

بير- بيرينه چالديرديق!

داود اهري