باكيلا تبريزين آراسيندايام

منيم قستيمدير آلا تورانليق

گئجه يله گوندوزون آراسيندايام

قورولور ايچيمده ميزان- تره زي

او گوزله بو گوزون آراسيندايام

يوللار آيريجيندا چوخ تالانميشام

فيكيرلر الينده هاچالانميشام

تپه دن قورخموشام، دوزو دانميشام

ايندي داغلا دوزون آراسيندايام

ايليشيب قالميشام غم چالاسيندا

بير گوزه ل تيليسمين داش قالاسيندا

هميشه دهليزين آستاناسيندا

باييرلا دهليزين آراسيندايام

بختيار سينه دن نئچه من كئچير

بيري دردلي كئچير، بيري شن كئچير

مفتيللي چپرلر سينه مدن كئچير

باكيلا تبريزين آراسيندايام

بختيار وهاب زاده