بو يئرلر

يادلارا باخارکن قاشلي- قاباقلي

دوستلاري گوررکن، گولدو بو يئرلر

گونشدن ايشيقلي، اودلو، اوجاقلي

دونيانين باغيندا گولدو بو يئرلر

دفينه ساخلايان عماني واردير

توکنمه ز معدني، اورماني واردير

آغير خسته ليگه درماني واردير

بو گوزل دونيايه قولدو بو يئرلر

هنرلي انسانين قولو بورادير

ثروت لي تورپاغين بولو بورادير

ايشيقلي دونيانين يولو بورادير

سعادت شهرينه يولدو بو يئرلر

بو اودلار يوردوندا گولور طبيعت

گونش تک نور ساچير هنرله صنعت

ائلينين قلبينده قاينير محبت

صفالي جنت له بولدو بو يئرلر

صمد چايلي