|
ائلچييم
قسمتيمين اوغروسويام، دوغروسو
ظاهيرده سه من "توخانام"، "آلچييام"
بارماغيمي يالاماديم بال توتوب
باشقاسينا بال پايلايان بالچييام
الينده يم، من توتولموش اوو کيمي
شيشه ده دير منيم جانيم دئو کيمي
سن چئويردين طالعيمه سئوگيمي
من طالعين يئده ينده يولچويام
بو دونيادان خوش بير صفت، اوز اومدوم
جان يانغيمي يئلپيک له ين سوز اومدوم
اونومده کي سعادته گوز يومدوم
صاباحيما مين فال آچان فالچييام
بير عشق ايله من دوشموشم يوللارا
نيت هارا، منزل هارا، يول هارا؟
ايچيمده دير گئجه، گوندوز، آغ قارا
اوز آغيمدان اوز قاراما ائلچييم
بختيار وهاب زاده
|
