صبريم كسيليب

بير نامه يازديم باد صبا ياره يئتيرسين

شرح غمي اول بت خونخواره يئتيرسين

هجران المي سالدي آياقدان من زاري

داروي وصالين من بيچاره يئتيرسين

صبريم كسيليب، يار منيم جانيمي آلسين

يا شاد ائله سين وصل ايله دلداره يئتيرسين

دونياده و عقبي ده گوروم مطلبه يئتسين

هر كس مني اول يار وفاداره يئتيرسين

بير يول وئرين اي محنت هجران كي پياميم

تا باد صبا اول گل گلزاره يئتيرسين

يوز حسرتيله بو دل هجرانه گرفتار

عزم ائتدي اوزون اول گل بيخاره يئتيرسين

گل تاري اوچون بونجا ستم ائيله مه اظهار

قوي ياره اوزون بو دل آواره يئتيرسين

بي كس ليغيما رحم ائيله سين خالق بيچون

((حيران)) ي او شهبازه دگرباره يئتيرسين

حيران خانيم