|
سوكوتون ايچينده
يامان داريخديق
گل سازين تئللرين
دارا مضرابيم!
غم- كدر اوديله اوره
ك لر ياخديق
قيل گينان دردلره
چارا مضرابيم!
دانيشدير تئللري
گولسون نغمه لر
اوپسون بارماقلاري
سيرلي پرده لر
((هاوالا)) باغيندا
آچسين غنچه لر
قييما ميدان دوشه
خارا مضرابيم!
كونلومون نغمه سين
ساري تئللره
نارين- نارين دولان
بمه، زيللره
آندير ((كرم)) نئجه
دوندو كوللره
((ديلغم)) ين
((تئللي)) سين آرا مضرابيم!
بسيندير دينجلمه ك
سازين قولوندا
دور باشلا جوولانا
آشيق الينده
گز- دولان سيملرين
اينجه بئلينده
((چايلي)) دان خبر
وئر يارا مضرابيم!
((صمد چايلي))
|
