نگاريم منيم

ايسته رم جانان! سني، سن نازلي ياريمسان منيم

گلشنيم، گلزار عمريم، نوبهاريمسان منيم

دهر گلزارينده گورسم گول كيمي رخساريني

درمه رم بير اوزگه گول، سن گولعذاريمسان منيم

من اسير زولفونم اولدور و يا آزاد قيل!

تابعم فرمانيوا سن شهرياريمسان منيم!

باخمارام من تازه آچميش لاله نين رخسارينه

هر چيچكدن- گولدن آرتيق، لاله زاريمسان منيم

بس كي هجرانيندا اي مه! بيقرار اولموش كونول

تئز گل اي آرام دل صبر و قراريمسان منيم

سئومه رم سندن سووا عالمده من ليلالري

من سنين مجنونيوم، ليلا نگاريمسان منيم!

((محزون)) ام، عهد و وفاده من كرم تك ثابتم

ايسته رم دونيا قدر، سن اصلي ياريمسان منيم

م.ع. محزون