قيزارميش لاله

قيزارميش لاله تك باغريم سنين داغ فراقيندا

گزر مجنون اولان كونلوم، گئجه- گوندوز سوراغيندا

گل اي هجرانيله حسرت گوزوم يولدا قويان دلبر‍‍!

گزك بير يئرده گلزاري، بهارين غنچه چاغيندا

اوزون گوندور، ساچين سنبل، دوتوب عطرين بو دونياني

تاپيلماز بير گوزل، سن تك، جهاندا حسن باغيندا

امن لعل- لبيندن خضر تك، عمر ائيلر عالمده

خدا آب حياتين خلق ائديب نازيك دوداغيندا

قيزيل گول اوسته دوشموش بير بنفشه، من خيال ائتديم

بنفشه خاليني اي مه گورركن گول ياناغيندا

تاپار هجراندا قان اولموش بو كونلوم دردينه چاره

گوررسه گر اوزون جانان سنين وصلت اوتاغيندا

نولا بير دسته گول يا رب! اولايديم منده عالمده

گزيديم يار الينده، يا دوشونده، يا بوخاقيندا

داها دلشاد اولار ((محزون)) بوتون دونيا اولا آزاد

اولنده انتظار اولمز آنا يوردون قوجاغيندا

 م.ع. محزون