|
وطن ياندي!
او قدري ناله ائتديم
كي قيزاردي لاله تك باغريم
باخيب اوز دوره مه
گوردوم قرنفيل، ياسمن ياندي
قونوب آسوده
داملاردا، اوتور هيبتله بايقوشلار
الينده حقي بايراق
ائيله ين، دوز يول گئده ن ياندي
اوره كده مين ياران
واردير، يازيق ميللت، يازيق ميللت
سنه هر لحظه ده اوز
جانيني قربان ائده ن ياندي
دولوبدور نملي
زندانلار، يانير اودلاردا آزادليق
نئچون دينميرسن آي
قارداش، سوروش بير گور نه دن ياندي
دوروبدور باشيم
اوستونده، الينده خنجري جلاد
نه گول قالدي نه ده
بولبول، باغ ياندي چمن ياندي
ياديمدان چيخدي
بولبول تك، قفسده گوللرين رنگي
غمين، دردين الينده ن
اود توتوب آخر بدن ياندي
سليمان، غافل اولما،
ياخشي باخ اطرافه، شاعر سن
جنايت آشدي حديندن،
هاراي سال كي: وطن ياندي!
سليمان رستم
|
