خبر آل

سئوگيليم ، من سني گولدن سوروشدوم
سنده مني گولر اوزده ن خبر آل
من سني بير طوطي ديلدن سوروشدوم
سن مني نغمه دن ، سوزده ن خبر آل

ناله سي قلب لري يانديريب ياخان
بولود كيمي گوزلرينده ن ياش آخان
انتظار ايچينده يول لارا باخان
اودلو آهدان ، نملي گوزده ن خبر آل

عاشيق اولان آلاوداندا دون گئيير
آيريليق چكنده اعتبار ديير
حسيني اوره يين ايسته سه اگر
كرم كيمي قلبي كوزده ن خبر آل

عاشيق حسين جوان